Ko te kaupapa ō ngā Karahipi He Manu Pīrere nō te Kōhanga Reo he tautoko i ngā mokopuna kua puta i te Kōhanga Reo kua kuhu atu ki ngā whare wānanga, takiura, kuratini, kua uru rānei ki ngā mahi ringa raupā.

Anei ngā kōrero āwhina mō ngā Mātauranga Matua mō ngā mahi ringa raupā. Tirohia anō ngā pātai matawhānui. Toro atu ki ngā kōrero ō kaiwhakaihu o ngā tau ki mua. 

TE KARAHIPI TĀ HEMI HENARE

“Me pioke he āwhio mō te Kōhanga Reo, He taonga tuku iho nā te Atua, Te taonga e kore e ngaro, i ngā tau whakahuihui, i ngā tau takaoriori.” (Tā Hemi Henare) 

I te hinga ohorere ō tō tātou Rangatira, I whakaaro nui te whānau ō Te Kōhanga reo kia whakatūhia he karahipi, hei oha mō ngā mahi whakahirahira a Tā Hemi Henare, te Pou Aho Kairangi o te kaupapa i taua wā.

Nā te Poari Matua me ngā rourou koha a ngā whānau o ngā Kōhanga Reo puta noa i Aotearoa me te Toitu Kaupapa Mātauranga Māori te kaupapa i tīmata. Ka tautokohia ngā pūtea nei e ngā moni ohaoha whai hua a Te Kōhanga Reo.

Ia tau, kotahi te karahipi $10,000 te uara, hei tuku ki te ākonga e whai ana i te tohu Kairangi.

Ka āhei tō tono ā ipurangi mō te karahipi kairangi, te tiki ake i tētahi tono ā pepa hoki. Tirohia ngā kōrero āwhina, e mārama ai koe ki ngā paearu me ngā pepa tautoko hei tuku mai.

NGA KARAHIPI TOHU PAERUA A TE KŌHANGA REO 

Ko ēnei karahipi Tohu Paerua he tautoko i Ngā Manu Pīrere e whai ana i te huarahi ako ki te taumata paerua. E $2000 te uara ō ēnei karahipi e wha (4) ka tukunga ki ngā Manu Pīrere ia tau.

Ki te tono mai koe mō ngā Karahipi Tohu Paerua TKR, ka āhei koe te tono ā ipurangi te tiki ake rānei ā pepa. Tirohia ngā kōrero āwhina hei whakamārama he aha ngā paearu me ngā taunakitanga. 

NGA KARAHIPI MŌ NGĀ TOHU PAERUNGA A TE KŌHANGA REO

Kua whakatūria e te Poari Matua o Te Kōhanga Reo he karahipi hou mō te tau 2022, ko ngā Tohu Paerunga ā te Te Kōhanga Reo. Ko ēnei karahipi mō ngā Manu Pīrere e uru ana ki ngā akoranga paerunga, hāunga anō ngā tohu Paerua, Kairangi rānei.

Kei roto i tēnei wāhanga ko te hunga kua tutuki ia rātou tohu paetahi engari e whai ana i ngā taumata tāhū paerua, pōkai rua paerua, tiwhikete rānei.

E whā (4) ngā karahipi hei tuku mō tēnei tau 2024 ko te uara $1500 mō ia karahipi.

E āhei tō tono mō ēnei karahipi paerunga mā te ipurangi te tiki ake rānei ā pepa. Tirohia ngā kōrero āwhina mō te whānuitanga o ngā kōrero. 

NGĀ KARAHIPI HE RINGA RAUPĀ

I whakaarahia ngā karahipi He Ringa Raupā 2022 hei hāpai i ngā mokopuna i puta mai i Te Kōhanga Reo kua uru atu ki ngā akoranga mahi ā ringa, e whai pūkenga ana, e mahi ana i roto umanga whai tohu.

Tekau (10) katoa ngā karahipi, $1000 te wāriu o ia karahipi kei te wātea ki ngā Manu Pīrere mō tēnei tau 2024.

Ka pai tō tono ā ipurangi mō ngā karahipi He Ringa Raupa, tīkina tētahi tono ā pepa rānei.

Kei ngā kōrero āwhina ētahi atu whakamārama.

NGA KARAHIPI TOHU PAETAHI Ā TE KŌHANGA REO

Ngā na kamupene whai pānga ki te Kōhanga Reo mā te Kaari Whānau te āheinga i tū ai ēnei karahipi.

Tekau mā ono (16) ngā karahipi, ko te uara $1000 mō Ngā Manu Pīrere e whai ana i te tohu paetahi. Ko te tohu paetahi kei runga ake i ngā tohu kura tuarua kei raro iho i to whiwhi tohu paetahi. Ka uru mai katoa ngā kaupapa mātauranga matua ki ēnei kōwhiringa tae noa ki te tohu paetahi.

Ki te tono koe mō ngā karahipi paetahi, me hono ā ipurangi, tīkina tētahi tono ā pepa. Huri atu ki ngā kōrero hāpai mō ngā whakamārama.

WHAKAPĀ MAI

Mēnā he pātai wāu e pā ana ki ngā karahipi nei, tirohia ngā pātai matawhānui, ngā kōrero Mātauranga Matua, ngā kōrero Ringa Raupā hei tohutohu āwhina.

Ki te kore īmēra mai ki ā mātou: [email protected]
Ka wawe tā mātou whakahoki kōrero atu ki ā koutou.