Tirohanga whānui
Overview
Kua tuwhera ngā tono mō ngā mahi whakangungu a Te Kōhanga Reo.
E toro atu ana ngā ringa o te kaupapa ki a koe kia tuku mai i tō tono mō Te Tohu Mātauranga Whakapakari Tino Rangatiratanga - Tohu Paetahi o Te Kōhanga Reo.
He huarahi ako tēnei mā ngā tāngata e ngākaunui ana ki te tū hai kaiako motuhake i roto i te kaupapa o Te Kōhanga Reo, otirā, i roto i ēnei mahi whakangungu e whakawhanake ai te ākonga i ōna pūkenga.
Rangahau me te tuhituhi
Whakarite kaupapa ako mō Te Kōhanga Reo
Mātai mokopuna me te whāngai i te reo Māori ki a rātau
Te tito waiata, te hanga rauemi me te tuhituhi pūrākau
Tau tuatahi o te ako - $1,200
Tau tuarua o te ako - $1,200
Tau tuatoru o te ako - $900
“I ahu mai te kaupapa o te Kōhanga Reo i te marae - me marae tōna āhua”
Kua taunga ki Te Reo
Kua tangata whenua ngā tikanga i roto i ōna kawenga
Kua mōhio ki te raranga i Te Whāriki a Te Kōhanga Reo
Kua noho hai toa mō Te Kōhanga Reo me tōna kaupapa
Kua waia ia ki te tiki atu i tētahi āhuatanga hai whāngai i te mokopuna
Kua mātau ki te ako i te mokopuna ki tōna ao Māori
Kua taea te whakamatua ngā uara tūturu o te ao Māori ki te mokopuna
Kua marae katoa ēnei whāinga ki roto i te ākonga.
Me 17 tau neke atu te kaitono i mua i te tīmatanga o te akoranga
He tangata whenua nō Aotearoa, he tangata noho pūmau rānei
E noho ana ki Aotearoa
E mōhio ana ki te pānui pukapuka me te whakamahi rorohiko
E mau nei te ākonga ki tētahi rorohiko, ki tētahi matihiko mahi rānei
Ka ū te ākonga ki te whakaoti i te akoranga
Ka tautokona te ākonga e tōna Kōhanga Reo me tōna Purapura
Kua whakawhiwhia kētia te ākonga ki tētahi tohu taumata tuarima nō Te Taura Here Mātauranga (Level 5 of the NZQF) arā:
- Te Ara Tuarua mō te reo Māori o Te Kōhanga Reo
Me mātua whai te ākonga i te ipurangi
Te Tohu Whakapakari is a Level 7 professional degree of 360 credits and provides bachelor’s degree level learning. This full immersion course serves as a professional development pathway for kaiako to gain specialised technical and theoretical skills and knowledge for working with mokopuna and whānau in Kōhanga Reo.