Ngā Manu Pīrere
KAUPAPA
I whakatūhia e Te Kōhanga Reo te kaupapa “He Manu Pīrere nō Te Kōhanga Reo" hei whakakao mai i ngā mokopuna me ngā whānau kua puta ngā ihu i Te Kōhanga Reo.
Ko te Pīrere, e kōrero ana mō te pīpī manu kua tata te rere, kua rere kē rānei mai i tōna kōhanga, ara, Te Kōhanga Reo.
Ko te wāhanga tuarua o te kōrero nō Te Kōhanga Reo he whakawhenua anō i te wāhi i rere atu ai ngā manu pīrere, ā, kia hoki tonu mai rātou ki Te Kōhanga Reo, ki te Kaupapa i poipoi i ā rātou.
I whakarewahia te kaupapa o “He Manu Pīrere” i te marama o Whiringa ā rangi i te tau 2017 ki te hui taiopenga ‘Nōku te ao’. He kaupapa i whakaarahia i roto i te hiringa mahara kia hoki mai ngā pīpī manu ki te Kōhanga Reo me te whakarauora anō i ngā mahi tautoko a te kaupapa i ōnā ake mokopuna.
NGĀ KARAHIPI A TE KŌHANGA REO
Ka puta mai ngā pūtea karahipi mai i te tāhua a Te Kōhanga Reo, ngā mahi tauhokohoko ā Te Kōhanga Reo me ngā Karahipi ā Taihonoa, nā Te Herenga Waka, Te Whare Wānanga o Wikitoria:
Kei konei katoa ngā Karahipi mō te tau 2022 e rārangi mai nei:
| Scholarship Name | Scholarship Type | No. of Scholarships available | $ Value of Scholarship |
| He Kete Whakairo | Tā Hemi Henare (PHD) Scholarship | 1 | $10,000 |
| Ngā Kete Pīngao | Master’s Scholarships | 4 | $2,000 each |
| Ngā Kete Kiekie | Postgraduate Scholarships | 4 | $1,500 each |
| Ngā Kete Harakeke | Undergraduate Scholarships | 16 | $1,000 each |
| Ngā Kete Kōnae | He Ringa Raupā Trade Scholarships | 10 | $1,000 each |
NGĀ KARAHIPI MĀTAURANGA MATUA
E wātea ana ngā Karahipi ā tau ki ngā Manu Pīrere o te Kōhanga Reo e whakatutuki ana i ēnei paearu. Ka tuwhera ngā tono hei te marama o Huitanguru mō tētahi wā.
Ki te hiahia koe ki te tono mō tētahi karahipi, tirohia Ngā Karahipi He Manu Pīrere nō Te Kōhanga Reo.
NGĀ KAIWHAKAIHU O NGĀ TAU KUA HIPA
He Manu Pīrere Scholarship Recipients 2022
He Manu Pīrere Scholarship Recipients 2021
He Manu Pīrere Scholarship Recipients 2020
He Manu Pīrere Scholarship Recipients 2019
He Manu Pīrere Scholarship Recipients 2018
NGA KAUPAPA WHAIARO
Ko te kaupapa ō Ngā Manu Pīrere kia whaiaro Te Kōhanga Reo ki te tautoko i ngā mahi me ngā kaupapa e whai hua ana, hei whakaū i ngā mātāpono ō Te Kōhanga Reo.
TE KAARI WHĀNAU
Mēna kua rēhita koe ki te kāhui “He Manu Pīrere”, e wātea ana koe ki te tono mō te Kaari Whānau, whakakīhia tēnei tono. He kaari tēnei hei tuku atu i ngā painga o te whakawhanaungatanga a Te Kōhanga Reo ki ngā ūmanga kaipakihi kia taka ki ā koutou te whānau.