Te Tohu Mātauranga Whakapakari Tino Rangatiratanga o Te Kōhanga Reo

Te Taumata 7 

Te Whiwhinga: 360 (120 ia tau) 

Te Rā tīmata:  Huitānguru  

Te Rā whakamutunga: Whiringa-ā-rangi 

Te roanga o te akoranga: E toru tau (40 wiki ia tau) 

Te utu o te akoranga: Kāore he utu 

He huarahi ako tēnei mā ngā kaimahi, ngā kaiako e ngākaunui ana ki te whai i tēnei tohu hei kaiako i roto i Te Kōhanga Reo. 

 

Ko tā tēnei akoranga, he whakawhanake i ngā pūkenga o te ākonga ki ngā mahi: 

 

  • Rangahau me te tuhituhi, te tito waiata, te tuhituhi pūrākau, te hanga rauemi 

  • Te whakarite kaupapa ako mō Te Kōhanga Reo 

  • Te whakaako mokopuna 

  • Te whakatinana i ngā akomanga o Te Whāriki a Te Kōhanga Reo 

  • Mātai mokopuna 

 

Me Mātua whai te kaitono: 

 

  • Kia mārama pai ia ki te kaupapa o Te Kōhanga Reo 
  • Kia rere tōna reo, kia tika tōna reo, kia Māori tōna reo 
  • Kia kaha tana whakawhanaunga atu ki te whānau, ki te whānau whānui, ki tōna hapori 

Kia kaha tonu ia ki te whakapakari i ōna mōhio mā te haere ki ngā Kura Reo; ngā wānanga ā-rohe me ngā wānanga a te purapura 

Ki te whakaae kia noho pūmau ia ki tana Kōhanga Reo mō te rua tau inā whakawhiwhia ki te Tohu Whakapakari, hei mihi ki te whānau nā rātou nei ia i tautoko ā tutuki noa ana mahi ako. 

 

Ngā Paearu Kōwhiri Ākonga: 

 

Me whai tohu rawa te kaitono i te paerewa tuarima o Te Taura Here Mātauranga (Taumata 5 o te NZQF) arā; 

  • Te Ara Tuarua mō te Reo Māori o te Kōhanga Reo rānei,
  • Te National Certificate in Te Reo Māori (Taumata 5) rānei 

E taea rānei e te whānau whakaruruhau te whakatutuki i ngā tūmanako o te APL/RPL hei tautoko i ōu pūmanawa 

Me neke atu i te 17 tau te pakeke 

Te Tautoko a te whanau, a te taumata