Aku Hau Kotuku e!
Aku hau kotuku e
He aroha e uiui noa ana,
E rapurapu kau ana
Ka ngaro aku manu kōkiri,
Aku hau kōtuku e….
Ka whati rā aku tōtara haemata
Aku nohoanga whakanui
I ngā rangi awatea
Tāwhana kau ana
Ko ahau ki muri nei e…
Tū noa ana ngā maunga whakahī
I te riu o te whenua
Ka ngaro koutou i te ao
Ngā manu whititua
Ngā pou tokomanawa
O ngā whare maire
O ngā whare kura e…
Haere, haere atu i te ata hāpara
Haere atu ki a aturangi mamao
Haere, haere atu ki te ara whano ki te pō,
Te pō nui, te pō roa,
Te pō matirerau, te whaiwhai Ariki e….
Nō Rangiātea
E kore rawa au e ngaro – he kākano
I ruia mai i Rangiātea – he kākano
E kore au e ngaro e, nō Rangiātea
Kōrerorerotia te reo – kia rongohia
Kōrerorerotia te reo – kia rongohia
Kōrerorerotia te reo – kia pūmai ai
Kōrerotia te reo
Kei te Ataarangi e – he kākano
Kei roto i ngā Kōhanga – te kākano
Kōrerorerotia te reo – kia pūmau ai
Kōrerotia te reo, kōrerotia te reo, kōrerotia te reo
E kia mau ki tō reo rangatira hi!
Te Whaea
Ka waiata ki a Maria
Hine i whakaae
Whakameatia mai
Te Wharetangata
Hine pūrotu
Hine ngākau
Hine rangimārie
Ko te whaea
Ko te whaea
O te ao… o te ao
Ka Noho Au Ki Konei
(auē ngā iwi e..)
Ka noho au ki konei ka whakaaro noa
He pēhea rā te huri o te ao katoa
Ngā rongo kino e tukituki nei i te takiwā
Ngā whakawai e hau nei ngā tamariki
Kua kore noa he ture hei arataki
Te mana, te ihi, ka takahia rā
Kia kaha tātou ki te whakahoki mai
Te mauriora me te wairua, auē ngā iwi e
Tāpaea ngā hē katoa ki runga rawa
Kei a ia rā te ora me te mārama
Kapohia te aroha nui o te Ariki
Māna e kaupare rā ngā kino katoa
Whītiki maranga mai horahia rā
Ngā kupu hei oranga ā-tinana e
Kia noho ai i raro i te maru noa
Te rangimārie, te rongopai auē me te aroha e
Te rangimārie, te rongopai auē ngā iwi e.
(Puritia tō mana Māori motuhake auē auē auē hi)
Whakarongo
Whakarongo ki te reo Māori e karanga nei
Whakarongo ki ngā akoranga rangatira
Nā te Atua i tuku iho ki a tātou e
Pupuritia, kōrerotia mō ake tonu
Tirohia ngā tikanga tapu a ngā tīpuna
Kapohia hei oranga ngākau auē
Whiua ki te rangi
Whiua ki te ao
Whiua ki ngā iwi katoa
Kaua rawa rā e tukua e kia memeha e
Whakarongo ki te reo Māori e karanga nei
Whakarongo ki ngā akoranga rangatira
Nā te Atua i tuku iho ki a tātou e
Pupuritia, kōrerotia mō ake tonu
Tirohia ngā tikanga tapu a ngā tīpuna
Kapohia hei oranga ngākau auē
Tēnā kia purea te hau ora e
He kupu tuku iho mō tēnei reanga x2
Whakarongo
(Te reo whakarongo)
Kia Tūpato
Kia tūpato, kia tūpato, mokopuna mā
Nā, ka hīkoi koutou i te huarahi
Kia tūpato, kia tūpato, mokopuna mā
Kei takahitia koe e te waka e
Tuatahi, e tū
Tuarua, whakarongo
Tuatoru, titiro
Taha matau, taha mauī
Taha matau anō
Mehemea kei te wātea
Te huarahi e
Whakawhiti, whakawhiti
Whakawhiti moko e
Kia tūpato, kia tūpato, mokopuna mā
Nā, ka haere koutou ki te tāone nui
Kia tūpato, kia tūpato, mokopuna mā
Mā ngā raiti ātanga e ārahi i a koe
Whero, e tū
Karaka, tatari
Haere, ko te kōrero
O kākāriki e.
Kua Tipu Rā
Kua tipu rā hei oranga
Mō te iwi Māori
Mā te matua i te rangi
Hei ārahi i te Kōhanga
Nō reira mauria mai
Ngā tamariki ki te Kōhanga Reo