1-IMG_8657 1-TKR Tahuri mai Inā te maha o ngā kaupapa o Matariki i whakahaerehia e ngā Kōhanga Reo ki te whakanui i te tau hou Māori. Ko tōna tikanga, he hari, he koa, ko te whakangahau hoki hei whakaoho mauri. He wā anō ki te whakarite waiata, whakaari, kākahu pīataata, aha atu, aha atu.

Nā te Kōhanga Reo o Tahuri Mai te karanga ki ngā Kōhanga o te Purapura o Manuhuia kei te tonga o Tāmaki Makaurau kia hui tahi ai rātou ki te whakanui i a Matariki. Hei tā Haki Takamore, he kaiako kei Te Kōhanga Reo o Tahuri Mai, kāre i tua atu i te kotahitanga me te whanaungatanga, ki te whakapakari i ā rātou, he tikanga nō tāukiuki.

Ko Nanny Taka tētahi o ngā tino kuia o tēnei Purapura, otirā, ko ia te kuia o Te Atawhai, ahakoa āna mahi ki te whāngai mokopuna ki te reo me ngā tikanga, e aro nui ana te Purapura ki ōna mōhiotanga. He kanohi kitea, he taonga mō te kaupapa. Ahakoa ōna pūkenga nui, e noho whakaiti ana ia ki te mirimiri i te whānau me ngā Mātua kia haramai ai rātou ki te Kōhanga reo.

Ka tū tēna Kōhanga reo, tēnā Kōhanga reo ki te whakaatu i a rātou waiata, kēmu, whakaari, he mahi nui, he kākahu ātaahua, he reo waitī, waitā – e hika mā, he tino whakataetae i roto i te ngahau. Tata ki te 80 ngā mokopuna, e rima ngā wāhanga ngohe hei pārekareka mā ngā tamariki, he peita kanohi, he kōrero pūrākau, he mahi tā, he haututū noa. Mutu ana ngā mahi, ko te hākari nui o Matariki ko te kai hāngi.

Kua pau ngā hau, kua hiakai. Hakari nui ana te iwi i te hāngi i whakaritea e ngā ringawera o Tahuri mai. Ka tukuna ngā mihi, ka awhiawhi ka mutu i hoki te iwi ki te kainga. 1-TKR Tahuri mai1-002