Back row: Cilla Wilkins, Nellie Bell, Kim Ruri, Alf Ruri, Ricki Toogood. Front row: Shai Marshall, Zyon Rhodes,Awatea Jago, Lee-Anne Jago, Aria Jago, Aria Pomana, Tainui Semmens, Manakore Wilkins

Back row: Cilla Wilkins, Nellie Bell, Kim Ruri, Alf Ruri, Ricki Toogood.
Front row: Shai Marshall, Zyon Rhodes,Awatea Jago, Lee-Anne Jago, Aria Jago, Aria Pomana, Tainui Semmens, Manakore Wilkins

Kia whiwhi whare hou hei whāngai i te reo Māori me ōnā tikanga ki te hāpori whānui, koinei te rehu a Te Kōhanga Reo o Te Awhina. Kua neke atu i te 10 tau, te whānau o Te Kōhanga Reo o Te Awhina e kohi moni ana ki te whakatū whare hou  mō rātou ki te tau ihu o te waka ō Maui, Motueka,ki Te Waipounamu. Ko Te Awhina hoki te Marae no rātou ngā whenua, e tū tahi ai ko Te Kōhanga reo me te rātonga hauora o Te Piki Oranga.

Toka-Mauri-Arapeti-Ruri-Here-Manakore-Wilkins

Arapeti Ruri, Here Manakore Wilkins

I te marama o Poutū te rangi i whakatōhia te toka Mauri mā te karakia ki te here i tēnei kaupapa mai i te rangi ki te whenua, hei orange mo nga iwi mai i nga hau e whā e noho ana ki tēnei takiwa. Ko Arapeti Ruri e arahi ana i ngā whakahaere ki tētahi taha o ngā tikanga e tutuki pai ai nga mahi hunuku whare. I te rā nui o te taenga mai o te whare i puta kātoa te hapori ki te matakitaki i te taunga mai o tēnei whare ki tōna nohonga hou. I tūwhera te Kōhanga Reo o Te Awhina i te tau 1984. Kāre i roa i pupu ake te whakaaro ki te whakawhānui ake i ngā mahi kia maha atu ngā tamariki hei whakauru ki te Kōhanga  mai i te 15 mokopuna ki te 30. Kia nui atu hoki nga kaimahi mai i te 4 kite 6. I tīmata a Kim Ruri rāua ko Arapeti Ruri hei mātua ki roto i te Kōhanga reo ināianei he kaiwhakahaere he kaiako rāua. Hei tā Kim kua roa nei ngā whānau o Motueka e tatari ana ki a ea te moemoeā ki te whakarite whare hou. Ahakoa $450,000 te tahua pūtea mō tēnei kaupapa, hei tā Kim Ruri e kore ngā mahi kohi pūtea e mutu, ko te whainga kia oti ngā mahi whakapaipai me te hoko rauemi mō ngā tamariki. Ko te manako ka tuwhera te whare hei paunga o tēnei tau.

Concept

Kua tata tutuki te moemoeā