I tīmata mai tēnei kaupapa rua marama ki muri.  I tukuna mai te tono ki te Kōhanga Reo O Wharekauri kō ngā kaitautoko  ko Te Kōhanga Reo o Ngā Mokopuna ki te whakapakari ake ia mātau i Te Whāriki mē tōna Kaupapa. Tokotoru mātau i haere mo te kotahi wiki. I te rā o te Rātapu ka tae atu mātau ki Te Kōhanga Reo o Nga Mokopuna ki te whakatau. I reira ka tūtaki mātau ki te whānau o tō rātau Kōhanga Reo.

Arapera-Royal-Tangaere

Nanny Arapera Royal Tangaere TKR o Ngā Mokopuna

I tīmata tā mātau hui i te Rāhina 12 o Hune kite Rāmere 17 Hune 2015. Ko Nanny Arapera tō mātau Kaiako mo te rā. I reira ka rongo ahau te tino tīkanga o Te Orokohanga mai o tō tātau Kaupapa o Te Whāriki.Pai ana kia mātau ngā whakamārama mō ngā Kaupapa whakahaere:-

  • He aha ngā Kaupapa whakahaere?
  • He aha tōna āhuatanga?
  • Me pēhea ai te whakatinana ki te mahere?
  • Ngā kēmu/waiata/nekeneke

Ko ngā Taumata Whakahirahira tērā

  • He aha ngā whenu o Te Whāriki
  • He aha te Kaupapa mātua o ia whenu?
  • I wānangahia e mātau ēnei whenu o ngā taumata whakahirahira.
Nanny-Ririana-Tangohau-Tuuta---TKR-o-Wharekauri-opt

Nanny Ririana Tangohau Tuta TKR o Wharekauri

I te mutunga mai o ēnei mahi, ka hoki mātau ki te tuhi tekau ngā kōrero matua i ako mātau i te rā nei, kia wānangahia ngā pātai. I wāwangatia tō tātau reo māori, mē pēhea te āwhina ngā mokopuna. Ki ētahi ō tātau i tipu mai tātau i roto i te ao māori, ēngari ko te nuinga korekore ana ō rātau reo māori, ana ko Te Kōhanga Reo hei tīmata mai ki te ako iā rātau. Na reira i whānau mai Te Whāriki mai i Te Kōhanga Reo.

Ko Te Whāriki te marautanga tino pai ake i ētahi atu, kei mua atu i te ao, he tīkanga ā-rua te marautanga, he māmā noaiho, ēngari he maha te hōhonutanga. Nā reira ko Te Whāriki ko Te Kōhanga Reo. Ēhara Te Whāriki mo Te Kōhanga Reo tamariki anake, ēngari mō tātau katoa.

I te ahiahi ka tae mai a Rāhera ki te whakaohooho ia mātau ki ngā waiata hei ako ki ngā mokopuna. Tino rawe tēnei wāhanga kia mātau, na te mea karekau he whaka-ānini māhunga. I titohia tēnei waiata i tā mātau wānanga.

1-Wharekauri

I haere mātau ki te titiro i te whare ō ngā mokopuna/whānau rānei i Hankey Street. Ko tēnei te rā whakamutunga ō ngā mahi mōku.   I tīmata mai tēnei haerenga i te ata. He karakia, ngā mihimihi hoki. I muri mai he kapu tī. Kā mutu tēnā ka whakamārama mai a Nanny Arapeta kī ngā pikitia huri haere i ngā pakitara o te whare. I reira ka kite aku kaimahi te nunui mārika ō tēnei whare.

10-Wharekauri Whare

I te pō o Rāpare ka huihui mātau kō ngā whānau ki tētahi wharekai hainamana ki te kai tahi, kōre tahi, katakata ai mātau me te koa hoki kua mutu ngā mahi, ana mē hoki tinana mai ki te kainga ki te whāngai atu i ēnei mahi i akongia e mātau i raro ī ngā manaakitanga ā Whaea Melissa me ana kaimahi/tamariki, Nanny Arapera me ōna mātauranga e pā ana ki Te Whāriki.

Na reirā e kore e mutu te mihi atu kia kōrua Whaea Melissa mē Nanny Arapeta mō tō kaha ia rā, ia rā mō ō pūkenga i tohatoha mai e koe kia mātau te whānau o Te Kōhanga Reo O Wharekauri.

Nāku na

Whaea Ririana