Te Reo o Te Kōhanga Reo

Te Reo o Te Kōhanga Reo

 

Tērā te uira

E kanapa ana mai

Ki te pae o Pukeatua!

Hikohiko te uira

Papa te whaititiri

Ko Te Reo o Te Kōhanga Reo

E ngunguru nei

I au, au, auē hā!

I tū tuatahi te kapa haka o Te Reo o Te Kōhanga Reo ki ngā whakataetae ā-rohe o Te Whanganui-a-Tara i te tau 2008.  Ko ngā kaupapa nui a te kapa i taua wā, he whakatenatena i ngā kaupapa kaimahi tae atu ki ngā whānau Kōhanga Reo, ki te whakaako, ki te whakaara anō i ā tātou waiata ake a Te Kōhanga Reo. He wāhi wānanga mā te whānau me ngā kaimahi i ngā waiata a Te Kōhanga Reo hei whakahoki, hei whāngai anō ki ngā mokopuna. I runga tonu i aua whāinga, nei rā te waka o Te Kōhanga Reo kua uataki anō nei ki te tautoko i te kaupapa.