Anei ētahi o ngā waiata o te kaupapa o te Kōhanga reo. Waiatatia kia rewa ai te wairua ki ngā rangi tūhāhā.

Aku Hau Kotuku e!

 

Aku hau kotuku e

He aroha e uiui noa ana,
E rapurapu kau ana
Ka ngaro aku manu kōkiri,

Aku hau kōtuku e….

Ka whati ra aku tōtara haemata
Aku nohoanga whakanui
I ngā rangi awatea
Tāwhana kau ana
Ko ahau ki muri nei e…

Tū noa ana ngā maunga whakahī
I te riu o te whenua
Ka ngaro koutou i te ao
Ngā manu whititua
Ngā pou tokomanawa
O ngā whare maire
O ngā whare kura e…

Haere, haere atu i te ata hapara
Haere atu ki a aturangi mamao
Haere, haere atu ki te ara whano ki te po,
Te pō nui, te pō roa,

Te pō matirerau, te whaiwhai Ariki e….

No Rangiatea

E kore rawa au e ngaro – he kakano
I ruia mai i Rangiatea – he kakano
E kore au e ngaro e, no Rangiatea
Korerorerotia te reo – kia rongohia
Korerorerotia te reo – kia rongohia
Korerorerotia te reo – kia pumai ai
Korerotia te reo

Kei te Atarangi e – he kakano
Kei roto i nga Kohanga – te kakano
Korerorerotia te reo – kia pumau ai
Korerotia te reo, korerotia te reo, korerotia te reo

E kia mau ki to reo rangatira hi!

Te Whaea

Ka waiata kia Maria
Hine i whakaae
Whakameatia mai
Te Wharetangata
Hine purotu
Hine ngakau
Hine rangimarie
Ko te whaea
Ko te whaea
O te ao… o te ao

Ka noho au ki konei

(Aue nga iwi e..)
Ka noho au ki konei ka whakaaro noa
He pehea ra te huri o te ao katoa
Nga rongo kino e tukituki nei i te takiwa
Nga whakawai e hau nei nga tamariki

Kua kore noa he ture hei arataki
Te mana te ihi ka, takahia ra
Kia kaha tatou ki te whakahoki mai
Te mauriora me te wairua, aue nga iwi e

Tapaea nga hee katoa ki runga rawa
Kei aia ra te ora me te marama
Kapohia te aroha nui o te Ariki
Mana e kaupare ra nga kino katoa

Whitiki maranga mai horahia ra
Nga kupu hei oranga a tinana e
Kia noho ai i raro i te maru noa
Te rangimarie te rongopai aue me te aroha e
Te rangimarie te rongopai aue nga iwi e.

(Puritia to mana maori Motuhake aue aue aue hi)

Whakarongo

Whakarongo ki te reo Māori e karanga nei
Whakarongo ki nga akoranga rangatira
Na te Atua i tuku iho kia tatou e
Pupuritia, Korerotia mo ake tonu
Tirohia nga tikanga tapu a nga tipuna
Kapohia hei oranga ngakau aue
Whiua ki te rangi
Whiua ki te ao
Whiua ki nga iwi katoa
Kaua rawa ra e tukua e kia memeha e

Whakarongo ki te reo Māori e karanga nei
Whakarongo ki nga akoranga rangatira
Na te Atua i tuku iho kia tatou e
Pupuritia, Korerotia mo ake tonu
Tirohia nga tikanga tapu a nga tipuna
Kapohia hei oranga ngakau aue

Tena kia purea te hau ora e
He kupu tuku iho mo tenei reanga x2
Whakarongo

(Te reo whakarongo)

Kia Tūpato

Kia Tūpato, kia tūpato mokopuna mā
Mā ka hīkoi koutōu I te huarahi
Kia Tūpato , kia tūpato mokopuna mā
Kei takahitia koe e te waka e

Tuatahi e tū
Tuaru whakarongo
Tuatoru titiro
Taha matau, taha mauī
Taha matau anō

Mehemea kei te wātea
Te huarahi e
Whakawhiti, whakawhiti
Whakawhiti moko e

Kia Tūpato, kia tūpato mokopuna mā
Nā ka haere koutou ki te tāone nui
Kia Tūpato, kia tūpato mokopuna mā
Mā ngā raiti ātanga ārahi I a koe

Whero e tū
karaka tatari
Haere ko te korero
O kākāriki e.

Kua Tipu Rā

Kua tipu rā hei oranga
Mo te iwi Māori
Mā te matua I te rangi
Hei ārahi I te Kōhanga
Nō reira mauria mai
Ngā tamariki ki te Kōhanga Reo