Waahi-Tainui-with-a-70-opt

nā Rodney Whaanga ngā korero me ngā Whakaahua.

I te 19 o Pipiri 2015 i haere ai a Tawerawera Kohanga Reo ki te whare haapori o Waahi whaanui ki te whakataetae kaakahu taiea e whakanui ana i te timatanga o te tau hou Maori, koia nei ko Matariki. Neke atu i te 80 ngaa maatua me ngaa mokopuna o te haapori o Rahui Pookeka i tae atu i teeneki rangi pai huarere.

Nga-mokopuna-o-TKR-Hakarimata

Ngā mokopuna o ngā Kōhanga Reo e Hākiri ana ki ngā kōrero mō Matariki.

Ko Te Koohanga Reo o Rahuipookeka, Te Koohanga Reo o Kaitimutimu me Te Koohanga Reo o Taawerawera Ki Te Kuao o Taupiri. No roto mai ano i nga purapura o Horatapunui o Hakarimata, he Kohanga Marae te katoa, Ko te marae o Kaitimutimu {Kaitimutimu TKR}, te marae o Waahi{Rahuipookeka TKR} me te marae o Taupiri{Taawerawera TKR}

Te Kōhanga Reo o Kaitimutimu e whakangahau ana.

Te Kōhanga Reo o Kaitimutimu e whakangahau ana.

He ahuatanga e kore e tino kitea i puta mai.  Ko te tino ngako o te kaupapa nei i tua atu i te whakawhanaungatanga ki a Matariki ko te whakaromiromi te haapori ki ngaa mahi huatau o te kaupapa Kohanga Reo. Ko toona otinga i toa ngaa mokopuna ki te whakataetae nei. I whakawhiwhi ngaa Koohanga Reo katoa ki te korowai ataata me teetehi tiwhikete. Otira ko te Koohanga Reo i toa ka whakawhiwhi ki te taonga whakairo, Te tohu o Te Koohanga Reo.

Hiiria Tuhakaraina, Jachai-Lee Cobb, Xavier Strawbridge rātou ko Demo Ritchmond

Hiiria Tuhakaraina, Jachai-Lee Cobb, Xavier Strawbridge rātou ko Demo Ritchmond

E ai ki a Hekeiterangi Broadhurst Puke he kuia no Ngaati Wairere me teetehi o ngaa kaiwhakawaa o te kaakahu taiea, “he ra tino whakahirahira teeneki mo te kaupapa o Te Koohanga Reo, Pono ki te kaupapa puna ko te reo”.

Ko taa Rodney Whanga he kaiako Kohanga Reo e mea ana” Ko Matariki te tau hou o te Maaori heoti ko Te Paki o Matariki teera ko te tohu manaaki o Te Kiingitanga i ngaana tamariki i ngaana mokopuna otira te kaupapa o Te Koohanga Reo, he taonga e kore rawa ra e ngaro i ngaa tau whakahuihui i ngaa tau takaoriori”.

Te taonga whakairo, ko Nancy Hughes raua ko Te Awarahi Whanga TKR Tawerawera

Te taonga whakairo, ko Nancy Hughes raua ko Te Awarahi Whanga TKR Tawerawera

Ngā Toa mō te Kākahu taiea Taneora Kahuhura-Paul raua ko Katisha Rose Tumohe TKR Tawerawera

Ngā Toa mō te Kākahu taiea Taneora Kahuhura-Paul raua ko Katisha Rose Tumohe TKR Tawerawera