Te Ata Raukura 2016

Te Ata Raukura 2016

Ko Te Arawa te waka

Ko Ohau-Taupiri te maunga

Ko te Rotoruanui -a-Kahumatamomoe

Ko te Rotoiti i kitea e Ihenga, e ariki ai a Kahu ngā roto

Ko te Ohautanga o Potakawhitinui te Awa

Ko Waiatuhi te marae

I tēra tau i whakamānuhia te kaupapa o Te Ata Raukura, he kaupapa i whakaarahia hei whakapakari i te reo ki waenga i ngā Mātua mē ngā whānau o ngā Kōhanga reo. Ko Te Ara Tuatahi, te kaupapa ako tuatahi mā ngā Mātua heoi, ka haere ngātahi ēnei kaupapa e rua.

Kua piki te rahi o ngā rohe mai i te 3 ki te 6 he koanga ngakau e kitea ana kei te pakari haere tēnei kaupapa. I tū te wānanga tuatahi mō te tau ki Rotorua, ā ko atu i te 80 ngā ākonga i tae atu.

Hei tā Makere Roa tētahi o ngā kaiwhakahaere o tēnei hui, e miharo ana ia ki te tokomaha o ngā ākonga kua tae ā tinana atu. Hei tāna mā ēnei hui, ko te whakakōrero i te tangata, ehara ko te reo ā waha anake, otirā, ko te kori tinana, ko te aako whakapapa, kīwaha me ngā tikanga hoki i roto i te wairua ngāwari.

Taati Williams

Taati Williams

Nā Taati Williams me te whānau o Ngāti Pikiao te hui i whakahaumaru i Tiaki.

Kua roa kē a Taati e mahi ana ki te Kōhanga reo me Te Ataarangi, he pou mō tōna hāpori me tōna Marae. Hei tāna, kua roa ia e tatari ana kia hoki mai ngā momo hui pēnei, e noho wānanga ai ngā kaiako mē ngā ākonga. Ko te mea nui hoki kia tika te whāngai i te reo ki a tātou tamariki, koinei hoki te pai o ēnei hui.”

Ko Allan Namana he ākonga nō te Taitokerau, ā, koia tētahi o te hunga tāne i tae mai, kātahi anō ia kia tīmata te ako i te reo, ā, he Pāpā hoki no te Kōhanga reo o Te Roopu Whānau kei Kataia.

Hei tā Allan, “I find it over whelming to be the only tāne in the roopu. I find this all very full on because for myself iti te reo, āhua whakamā āhau. I got involved in this kaupapa because  I have 9 children and 6 of them kōrero māori, thay have been through Kōhanga reo and now Kura Kaupapa so now instead of kōrero Pākeha, we can kōrero Māori at home. I hope to go home to Wairarapa and continue my journey in te reo.”

1-Te Ata Raukura 2016 2-002

Matiu, is the kaiako of Te Ata Raukura in the North, he travels from Te Kao to deliver the classes with his 20 students. Although it’s a five hour round trip, he says it’s worth it.

“Ko te mea nui kia whāngaitia te reo ki te hunga e hiahia ana. Ki a mau i a rātou tētahi reo, he mea nui tēra, ahakoa kei rō Kōhanga reo ahau, ko tētahi ō aku tino mahi he whāngai i te reo. E miharo ana ahau ki tā rātou tū pakari. Ko te mea nui kia patua te whakamā.”

Hei tā Rangimarie Phillips, i mahi ia i tēnei kaupapa hei whakapakari i tōna reo tuhituhi. Hei tēra tau ka tīmata ia i tana tohu “Whakapakari” engari mā Te Ata Raukura e kaha ake tōna reo tuhituhi.

I tēnei o ngā wānanga i kite te kaha o nga kaiako ki te whakarite i ā rātou ākonga. I haere hiakai mai rātou nā reira i whai hua ai te hui. Ko tētahi o ngā kaiako ko whaea Jen Pewhairangi, he wairua hīkaka, he wairua manaaki tōna.Ko tāna kōrero “kia kaua e maroke! Whakaarihia tō tātou reo.”

I te pō whakamutunga i tukunga ngā whakaari, me te ngahau nui ki te rahi i tae atu, ahakoa i tīmata ngā mahi 7 karaka i te ata, me te mutu 11 karaka i te pō.

I reira tonu te maraea e kōrero māori ana e ako ana, kia ea ai te whakaaro “kōrerotia te reo i ngā wā katoa ki ngā wāhi katoa”.

1-Te Ata Raukura 2016 22-003

Te Pō Ngahau wāhanga tuatahi.

Te Pō Ngahau wāhanga tuarua.

He waiata mō te Panana me te Kutai.