Katereina-Kaiwai-Web

Etahi ingoa Muri: Sir Hirini Mead, Olly Te Ua,Lady June Mead,Herewini Koha, Apirana Manuel,Amohaere Houkamau, Selwyn Parata,Morehu Boycie Te Maro Mua:Holly Te Ua,Donna Cowdery,Sue Green,Lady Tilly Reedy, Jerry Mataparae, Sir Tamati Reedy, Hubba Kaiwai,Eru Paenga,Kara Mason-Craig

 

Katareina Kaiwai (Hubba)

Ko Motu Kairangi te Kōhanga reo

Ko Hikurangi te maunga

Ko Waiapu Te Awa

Ko Ngāti Porou me Rongomaiwahine ngā iwi.

I tipu mai au i te Kōhanga reo o Motu Kairangi, ka hoki ngā mahara ki a Aunty Phyllis Henare, Ereti Gunn, a Paula Ngata mā, ko rātou nei ngā whaea i poipoi, i atawhai i ahau i te wā e pēpē tonu ana. Ka haere au ki te kura, he kura Pākeha, ko Miramar North te ingoa. Ahakoa he kaupapa Māori i tēnei kura, i reira tonu aku whāea ki te whāngai i a au ki te reo me ōna tikanga.

He hātakeehi te āhua i ērā wā, i te mea, i tapaina mātou ngā pepe, “Ko nga mokopuna herehere”. Ko ō mātou mātua hoki e mahi ana i te whare mauhere o Pōneke.  Tokomaha mātou ngā mokopuna i aua wā, heoi, he wā pai mōku i a au e tipu ana, he tipuranga kī tonu i te aroha, i te manaaki, i te reo rangatira tonu.

Ko tōku koroua ko Tā Apirana Ngata, ka whakahī au ko au tētahi ō āna mokopuna, ahakoa neke atu i te 200 ngā mokopuna tuarua ā tō mātou koroua. Ka mihi aroha anō ki tō mātou whanaunga, a Pāpā Whai Ngata, kua ngaro atu nei i te tirohanga kanohi, i te mea, ko ia kē te mātāmua o mātou. E te Pāpā, e Whai, moe mai, haere atu rā.

I puta te tono ki te whänau kia whiria he tāngata kia haere ake ki te whakarewatanga a ngā moni hou a te Reserve Bank o Aotearoa. I whakaritea e te whānau kia 10 mātou hei whakakanohi i tō mātou koroua, a Tā Apirana Ngata. Nā te Kāwana Tianara, a Jerry Mataparae, ngā moni hou i whakarewa. Hei tā Herewini Te Koha, taku tungane, he honore nui tēnei ki a mātou kia mau tonu te kanohi o tō mātou koroua, i te mea, he maha atu te hunga rongonui o Aotearoa.

Tā Apirana Ngata

Mōku ake, e tū whakaiti ana ki te kaupapa, e tūohu ana ki tō mātou koroua nāna nei te huarahi i para, nāna anō te manuka i kawe, hei oranga mō te iwi whānui, Māori mai, Pākeha mai, hei oranga anō mō mātou, āna uri whakaheke. Kia Ora!