Ko Whakapoungakau te maunga

Queenisha-Rangitania-Jones-Davis

Queenisha Rangitania Jones-Davis

Ko Waengaehe te awa

Ko Rotorua-nui-a-Kahumatamomoe te roto

Ko Owhata te marae

Ko Te Arawa te iwi

Ko Te Arawa te Waka

Ko Te Roro-o-te-rangi te hapu

I haere koe ki tehea kohanga reo?

I kuraina ki Te Kōhanga Reo o Rotokawa ki Rotorua.

He aha ōu mahara, ko wai nga kuia, kaumatua i ēra wā?

Ko Whaea Ange, Whaea Leah McMillian, Whaea Hiria Shaw rātou ko Nanny Pomare raua ko Koro Pomare me Matua Robbie Pomare.

Kei hea koe inaianei, he aha ōu mahi?

I te tau nei, e kuraina ana au ki Te Whare Wananga o Waikato. E whai ana i te tohu BBA- Business Analysis kia tū hei ‘Kai Kaute’ (Accountant) mō tōku iwi, mō tōku whānau.

Mā tēnei pūtea ka aha?

Ka whakamahia te putea nei, hei utu i tōku pire kia haere ki te Whare Wananga o Waikato i te tau nei.

He aha ōu whakaaro mō te kōhanga Reo?

Kua kite au i te hua ō te tipu ki roto i te āhurutanga o Te Kohanga Reo tae atu ki te Kura Kaupapa Māori hei māngai i raro i te maru o Te Aho Matua. Ki reira ako ai kō wai koe, nō hea koe, he aha tō tūranga i roto i tēnei ao. Nō reira, ki au nei he maringa nui nōku i tipu ake ki roto i te manaakitanga o Te Kōhanga Reo o Rotokawa tae atu ki Te Kura Kaupapa Māori o Ruamata. Hei te tau nei, ka pōtaengia e au me ōku hoa mai i Te Kura Kaupapa Māori o Ruamata hei te marama o Hurae. Kia tu hei raukura mō tōku kura, mō tōku whānau, mō tōku iwi.