Ngā Purapura o Matariki Korowaitanga 2016

Ikaroa:

Untitled-2

E tukunga ana ngā takutaku, kua whakaeke ngā ākonga .

I hoki te Korowaitanga o te Ikaroa ki Waiwhetū Marae, te kāinga i whānau mai ai te kaupapa o te Kōhanga reo i ngā hui kaumātua i ngā tau 1978, 1979. Nā Kara Puketapu ngā takutaku, ngā karakia  i tuku kia whakaeke mai ngā ākonga o ngā Kōhanga reo o Ikaroa ki runga i te ātea o te marae, hau tonu atu ki rō whare.

Ka hoki ngā mahara ki ngā Kaukuia me ngā Kaumātua, te whāriki i hora ai ngā mahara ki ā rātou mā kua tiraha atu.

Nā Kara Puketapu te kōrero mō ngā hui wānanga Kaumātua.  Nā rātou tonu te huarahi i para i ngā tau i tīmata ai te kaupapa, i noho ai ngā taniwha hikuroa o te motu ki ngā turu e noho nei mātou. Ka tū mai a Kara, ka hīkoi ki te poutahu o te whare, katahi ka kōrero e pā ana ki tētahi wahine e kōpu ana i taua wā.  Ka puta te kōrero e mea ana, “Whānau mai ana te mokopuna ki te ao, titia ki te waiū o te reo, ki reira tīmata ai te reo”. Mīharo ana ki te rongo ki ērā kōrero.

Ikaroa Korowaitanga

Mutu ana ngā mihi, te kapu tī, ka karawhiua e Tautoko Ratu te Korowaitanga.

 

73 katoa ngā ākonga. 18 ngā kaiwhiwhi i te tohu Tino Rangatiratanga.  I tuku mihi a Kahurangi Iritana  Tawhiwhirangi ki ngā whānau, ngā kaiako, rātou ko ngā ākonga mō a rātou mahi nui, engari, i tuku te mihi whakahirahira rawa ki a Nanny Oraiti Calcott, he tohu whakahonore i a ia mō āna mahi mō te Tohu Te Whakapakari Tino Rangatiratanga i te kaupapa o te Kōhanga Reo. Nā runga anō i ngā taumahatanga ki tō tātou kuia, i tukuna mā āna mokopuna te hōnore nei e whakakanohi. Click here to view photos.

Nga-mokopuna-me-te-whanau-o-Te-Oraitti

Ngā Mokopuna a Te Oraiti, me ngā waiata tautoko

 

Tāmaki Makaurau:

1-IMG_9123

Tāmaki Makaurau Korowaitanga 2016

I tū te korowaitanga o Tāmaki Makaurau ki te Marae o Hoani Waititi. Nā Te Purapura o Tīrairaka/Kahurangi te tono kia tū te hui i kōnei. I tae mai a Kahurangi Iritana Tawhiwhirangi ki te whakanui i te hui, ki te whakahonore anō i ngā ākonga kua whakaputa ihu.

Powhiri

91 ngā ākonga i korowaitia – he rangi ataahua, he hui whakahirahira.  Ko ngā mihi nui ki a Tāmaki herehere i ngā waka, herehere tāngata.Collage

For more images click here.

Kahungunu Korowaitanga.

Whiti ana te rā ki runga o Ōmāhu Marae. He tohu pai mō te korowaitanga o Kahungunu, ki te whakanui i ā rātou ākonga kua whakapau kaha ki te whakatutuki i ngā kaupapa ako a te Kōhanga Reo.

Kahungunu-Korowaitanga-Powhiri

Kahungunu Korowaitanga 2016 Ōmāhu Marae

 

Mai i Te Wairoa, haere whakatetonga ki  Te Whanganui A Ōrutu, heke haere ki Heretaunga, ko Tamatea, ko Tāmaki Nui ā Rua, karapoti ana ki Wairarapa, ā, kōinei te rohe ō Kahungunu iwi, Kahungunu tāngata.

Kahungunu-Korowaitanga-Akonga

 

Heoi, ko Ngāti Hinemanu, ko Ngāi Upokiri ngā hapū – ko Tamatea Arikinui te tangata. Ko Ruatapuwahine te whare manaaki, ko Kahukuranui te wharenui, ko te Korowaitanga o ngā Kōhanga reo o Kahungunu te kaupapa, ka puta ki te whei ao ki te ao mārama. Tīhei Mauri Ora. For more images click here

Kahungunu-Korowaitanga-Akonga-2