Nā Pere Wihongi

Hoeata Maxwell-Blake, Mereana Teka, Raniera Blake, Tawaroa Kawana, Awatea Wihongi, Pere Wihongi, Puawai Taiapa, Kia Kaaterama Chanel-Kiri Pou, Nathaniel Howe, Te Awhina Kaiwai-Wanikau, Makaira Berry and Metotagivale Schmidt-Peke.

Hoeata Maxwell-Blake, Mereana Teka, Raniera Blake, Tawaroa Kawana, Awatea Wihongi, Pere Wihongi, Puawai Taiapa, Kia Kaaterama Chanel-Kiri Pou, Nathaniel Howe, Te Awhina Kaiwai-Wanikau, Makaira Berry and Metotagivale Schmidt-Peke.

He huinga whetū ki te rangi, he huinga whetū ki te whenua. Ko te whakatupuranga tonu o Te Kōhanga Reo e puia ake ana! E waiatahia ana te kōrero ‘Maimoatia e te iwi e!’

Ko te Reo tonu te tāhūhū i hui tahi ai ngā rangatahi tekau mā rua mai te motu whānui, ki raro i ngā whakahaerenga a Cinco Cine Film Production, hei hanga waiata whakanui i te wiki o Te Reo Māori.

He mea tito e te whānau o te whakaaturanga o Pūkana, i raro i te karu whakatika o Te Haumihiata Mason. Ko te ia o roto, he wero i te iwi kia karawhiua tonutia te reo ahakoa tika mai, ahakoa hē mai. Ko te mea nui, e kōrerohia ana, e rangona hoki ana te reo ki hea rānei, i ngā wā katoa.

I eke te waiata nei ki te turanga tuatahi i ngā Pae hoko o iTunes, kei ngā pae waiata katoa hei whakarongo mā te iwi.

(Ko Pere Wihongi he mokopuna nō Te Kōhanga reo o Manukau Marae a Orowhana, i haere anō ia ki te Kōhanga reo o Te Rangianiwaniwa).