Henriette-Maxwell-7

 

He maimai aroha ki te whānau o Henrietta Maxwell kua hinga nei tō tātou whaea, te tōtara haemata o te wao nui a Tāne. He pou hoki ia  mō te kaupapa o te Kōhanga Reo, he manu tioriori, he kaituhi pukapuka he kaiwhakaruruhau mo ngā whānau, me ngā mokopuna.

I ngaro atu ia i te Rāhoroi  kua hipa, ki waenga i te mahana o tōna whānau. Ko ōna kāwai rangatira kei roto o Ngāti Porou, Te Whānau o Ruataupare.

Nō reira e te kahurangi, te matahīapo o te iwi whānui, anei tō iwi o te Kōhanga Reo e tangi nei, e hotu nei mōu kua māwehe mai i a mātou. Haere atu rā ki te huinga o te kahurangi, waiho mai ko mātou hei whai i ōu tapuwae. Hoki atu ki a rātou mā e tatari ana mōu, ki te poho o tō tātou nei Matua nui i te Rangi

Nō reira e te Kōka, e te Whaea, e kore tō reo e ngaro ki waenga ia mātou.

Engari ka paoro ki ngā Kōhanga reo, puta noa i ngā kainga o te motu. Moe mai rā.Henriette-MaxwellHe pukapuka waiata.

Anei he whakaaro hei whakanui ano i a ia, hei hokinga mahara, hei koanga ngākau.

Henrietta Maxwell- Waka Huia TVNZ

Part 1 of 3

Part 2 of 3

 

Part 3 of 3