Gene-Potae

E te iwi, kua horo te tumu hukapapa o runga Tongariro maunga, ka raumahara a Ahuahu te wahi raukumara a Paikea e.Rū ana te whenua i te atatū nei, he tohu o te mate. Tēnei tātau kua pania anōtia e te mate. Te whetū o te awatea kua taka i tōna pae ā kua noho tātau i te pō kia haehaea te kiri e te matā

Kua au te moe o tō tātou whanaunga, hoa, rangatira anō hoki, a Gene Rangi Potae.

Aoake, kua timata tona hikoi ki ōna turangawaewae mai i te whare o te Kōhanga Reo; ki Otūkou, ki Harataunga takoto ai.(Kennedy’s Bay, Coromandel).

E te iwi e, anei ngā kōrero e tāpiri ana ki ngā whakaritengā

(Rahoroi) A te Kotahi – rua karaka rānei ka tae atu ki Otūkou Marae, ki Rotoaira, Turangi.

Hei te ata a te Ratapu ka wehe Otūkou, haere ai ki Harataunga, Kennedys Bay.

A te tekau ma tahi haora hei te Mane, ka timata ai te karakia whakamutunga.

Nau mai e te whānau, mauria mai ngā pare kawakawa o te aroha.

Nā mātou o te whare o Te Kōhanga Reo.