Nā Renee Temara

Matariki i te ata, ka ū ki uta!

Renee Temara Te Kaahui TKR. Photo by Kate Whitely Te Papa

Renee Temara Te Kaahui TKR. Photo by Kate Whitely Te Papa

Ko te rongo i te wairua o te tini me te mano o nga tāngata i tae atu ki te tautoko i tēnei kaupapa whakahirahira,āra, te hīkoi mō tō tātau reo rangatira. I tō mātau taenga atu ki te whare paremata i tino rongo i te wairua. I rongo ānō i te reo e rere ana, i kite hoki i ngā tohu reo.

Te mutunga kē mai o te hari me te koa, i te tino hīkaka ngā tamariki ki te kite i tēnei mea te hīkoi, “He aha ai he hikoi roa?” (He pātai mai i tētahi mokopuna) “I te mea, mō tō tātau reo rangatira te take, mā te whakaako i te reo ki a koutou, mā konā te reo ka ora.

Mō ngā tamariki/ mokopuna, ki ā rua ngā reo. Ko te reo ō ngā Matua tipuna te tuatahi, ko te reo o tauiwi te tuarua. Nā ngā tamariki o te kōhanga reo o Te Kaahui ngā waiata i whakataki. Nā ētahi o ngā Kura i tautoko, i a mātau kia pāoro ai ngā waiata Māori ki te ao.

Renee Temara photo by Mike Te Papa

Renee Temara photo by Mike@Te Papa

Ahakoa te tiro mākutu mai ō ngā tāngata pākeha ki ā mātau, ka noho mātou ki te wairua koakoa, hei aha te whakaparahako, te whakaiti. He hīkoi tēnei mō tō tātau reo te take!

Tōku reo tōku ohooho, tōku reo tōku māpihi maurea, tōku reo tōku whakakaimarihi.