Ko tā te pātaka he tuari rauemi hei āwhina i ngā whānau kōhanga reo i runga i te ara ako i te reo. 

Ko tā te waiata tino mahi, he hiki i te wairua o tō kōhanga reo, he tīmatanga hoki e ngāwari ai te whakakōrero Māori i te whānau. Mā te haere ki ngā wānanga a Te Whāriki tētahi huarahi pai rawa atu hei whakakī i tō kete waiata. Ka taea ngā rā ka whakahaeretia ngā wānanga i tēnei pae tukutuku, ā- īmera, te whakapā atu rānei ki tō tari ā-rohe. 

Kei a koe pea ētahi kōrero paki hei tuari, tētahi mahi rānei i ngahau ki ngā mokopuna, pēnei i te whakamahi i ngā taonga a Papatūānuku hei rauemi ako i roto i tō Kōhanga Reo. 

Nā reira, ko tā tātou, kia whakamīharotia te ao, kia tahuri te mokopuna ki te kimi i ōna āhuatanga katoa, ā, mā reira e whakakaha  te taura whanaungatanga, taura ahurea anō hoki.